ДАШТ-ий өмнөх сүүлчийн сорил болох Антальяагийн Их Дуулгын хоёр дахь өдрийн барилдаанууд өнөөдөр явагдаж байна.
Эрэгтэйчүүдийн 73 кг-ийн жинд зодоглосон олимпын хүрэл медальт, дэлхийн аварга Ц.Цогтбаатар Франц, Гүрж, Азербайжан, Германы бөхчүүдийг ялж, Италийн Мануел Ломбардотай аваргын төлөө барилдахаар шалгараад байна.
Тэрээр 2021 онд Токиогийн олимпоос хүрэл медаль хүртэж, Ташкент, Тбилиси, Абу Дабигийн Их дуулгуудад толгой дараалан түрүүлсэн бөгөөд харин өнгөрсөн онд Парисын Их дуулгаас хүрэл, Улаанбаатарын Их дуулгаас мөнгөн медаль хүртэж, ДАШТ-д түрүүлсэн билээ.
Өчигдөр Монголын тамирчдаас Б.Эрхэмбаяр мөнгө, Г.Наранцэцэг, Б.Баасанхүү нар хүрэл медалийг Антальяагийн Их дуулга тэмцээнээс хүртээд байгаа юм.
