Катарын нийслэл Доха хотноо жүдо бөхийн ДАШТ долоо дахь өдрөө үргэлжилж байна. Өнөөдөр татамид эмэгтэйчүүдийн +78 кг болон эрэгтэйчүүдийн +100 кг-ийн жингийн барилдаанууд явагдана.
Абу Даби, Парис, Тель-Авивын Их дуулгуудын алт, Бакугийн Их дуулгын хүрэл медальт О.Цэцэнцэнгэл эхний тойрогтоо гоц мөргөж, Бахрайны жүдочийг ялснаар шигшээ 16-д ДАШТ-д арав түрүүлсэн, олимпын хошой алт, хүрэл медальт Тэдди Ринертэй оноолт таарав. Улмаар барилдааны төгсгөл хэсэгт О.Цэцэнцэнгэлийн идэвх удааширч, гурав дахиа торгуулснаар 34 настай Тэдди Ринер ДАШТ-ий шигшээ наймд шалгарлаа.
Харин А.Адъяасүрэн эхний тойрогтоо гоц мөргөж, улмаар Молдовын жүдочийг ялсан ч Хятадын тамирчинд ялагдсанаар тэмцээнээ өндөрлүүллээ.
