НБА-гийн Дорнод бүсийн шигшээ цувралын шийдвэрлэх долоо дахь тоглолт өнөөдөр явагдлаа. Миами Хит цувралын эхний гурван тоглолтод дараалан хожсон ч, дуусгаж чадалгүй гурав дараалан хожигдоод байв. Тиймээс цувралыг 3-0-ээр эхлүүлсэн ч ялагдал хүлээсэн анхны баг болохгүйн төлөө өнөөдөр шийдвэрлэх чухал тоглолтод оролцлоо. Тэд өнөөдрийн тухайд шилдэг тоглолтыг үзүүлж, НБА-гийн аваргын төлөө тоглох эрхээ авсан юм.
Эрик Споэлстра 1995 онд Хит багт видео шинжээчээр ажилд орсон агаад 2008 оноос ахлах дасгалжуулагчийн албанд томилогдсон билээ. Харин өнөөдөр тэрээр зургаа дахь удаагаа бүсийн аваргаар тодорлоо. Гурав дахиа аваргын цом өргөх шийдвэрлэх мөчийн өмнө тэр иржээ.
Жимми Батлер Дорнод бүсийн финалын Үнэ цэнтэй тоглогчоор тодорлоо. Тэрээр яг жилийн өмнө Бостоны эсрэг цувралын долоо дахь тоглолтод хожлын байж болохуйц шидэлтээ алдаж байв. Харин өнөөдөр дутуугаа гүйцээж, багийн манлайлагчийн үүргээ бүрэн төгс гүйцэтгэлээ.
НБА-гийн шигшээ цуврал 6-р сарын 1-нд эхлэх хуваарьтай байна.
