"Maxima Consulting" Монголын хамгийн олон үзэгчтэй 10 телевизийн шоуг нэрлэжээ. Тус байгууллага нь Монголын телевиз үзэлтийн судалгааны нэгдсэн тайланг сүүлийн 5 жил тогтмол танилцуулж байгаа бөгөөд энэ жилийн хувь илүү өргөн мэдээлэл, агуулга бүхий зургаа дахь жилийнхээ тайланг танилцуулаад байна.
Суваг - "Боловсрол" ТВ
Рейтинг - 27.44
"Яг түүн шиг" шоу бол Монгол Улсын олны танил хүмүүс дэлхийн болон Монголын оддын дүрд хувиран дуулж, жүжиглэн өөрсдийн авьяасаа сорьдог шоу юм. Энэхүү шоу нь анх Испани улсад "Your Face Sound Familiar" хэмээх нэртэйгээр болж байсан. Анх Монголд 2016 оны тавдугаар сарын 8-нд "Боловсрол" сувгаар гарч эхэлсэн юм.
2. Авьяаслаг Монголчууд Суваг - "Монгол HD" ТВ Рейтинг - 25.52 Үндэсний хэмжээний бахархал болсон "Авьяаслаг Монголчууд" шоуг монгол телевиз үзэгчдийн хүртээл болгож эхэлснээс хойш байнга ТВ-ийн рейтингийн судалгаагаар тэргүүлж, Монголын үзэгчдийг байлдан дагуулж чадсан. "Авьяаслаг Монголчууд" шоунд дуулдаг, бүжиглэдэг, хөгжимддөг, элэглэдэг, шүлэглэдэг ямар ч төрлийн үзүүлбэрээр оролцож болохоос гадна мэргэжлийн, мэргэжлийн бус, ямар ч насны хүн оролцож болдгоороо бусад авьяастны шоу нэвтрүүлгүүдээс илүү давуу талтай.
3. The Voice of Mongolia Суваг - "Mонгол HD" ТВ Рейтинг - 20.44 Голланд улсаас гаралтай телевизийн шоу нэвтрүүлэг.2010 онд анх үзэгчдийн хүртээл болсноос хойш өнөөдөр дэлхийн 62 улсад амжилттай зохион байгуулагдаж байна. "Авьяас, Чанар, Чадвар" гурвын төгс хослолоос бүрдэх “Зөвхөн шилдэг”-үүдийн өрсөлдөх үндэсний шилдэг дуучин шалгаруулах шоу юм. Оролцогчдын хувьд дэлхийн тайз болж, мөрөөдлөө биелүүлэх гүүр нь болж байна.
4. Оросын зөн билгийн тулаан Суваг - "NTV" телевиз Рейтинг - 8.99 Тус шоуг зорин олон улсын мэргэч, төлөгч хүмүүс оролцдог билээ. Зөн билгийн чадвараа хөгжүүлж, аливаа асуудал, онц ноцтой хэрэг илрүүлэх зэрэг аврал, итгэл найдвар хэрэгтэй байгаа олон хүмүүст тэд тусалж, өнгөрсөн болоод ирээдүйг нь хэлдэг. Тэдгээр хүмүүсийн чадварыг шалгаж зөн билиг байдаг, эсэхийг тухайн нэвтрүүлгээс үзэж болох юм.
5. Mongolian next top model show Суваг - "Боловсрол" телевиз Рейтинг - 8.92 Анх 13 жилийн өмнө "America`s next top model" нэврүүлэг гарч эхэлсэн цагаас л олон улсын охид, бүсгүйчүүд энэ тэмцээнд орж өөрийгөө сорин, жинхэнэ топ модель болох юмсан гэж хүсдэг болсон гэхэд хилсдэхгүй. Энэхүү мөрөөдлийг бодит зүйл болгохоор "Боловсрол" телевиз АНУ-ын "CBS studios international" компанийн "America's next top model" нэвтрүүлгийг эрхлэн гаргах онцгой эрхийг авч, Монголын дараагийн шинэ топ моделийг шалгаруулдаг болсон. Сая сая залууст хүсэл мөрөөдлөө биелүүлэх боломж болдог тус шоу нэвтрүүлэг нь модель болох хүсэлтэй олон хүний амьдралыг өөрчилсөн байдаг.
6. 21 000 Суваг - "25" телевиз Рейтинг-8.57 Энэ шоу нэвтрүүлэгт хэн ч оролцож болдог нь үзэгчдэд илүү ойрхон тусдаг. Оролцогчдод 21000 төгрөгийг өгч, 10 хонгийн турш хамгийн бага үрсэн нь ялагч болж 3 сая төгрөгийн мөнгөн шагналаар шагнуулдаг билээ. Тэд 10 хоногийн турш нэвтрүүлгийн багийнхнаас өгдөг олон төрлийн ажил хийж, бага мөнгөндөө тааруулж авсан хүнсээ хэрхэн хуваарилж, амьдралын ухаан гаргаж байгааг сонирхолтой байдлаар үзүүлдэг билээ.
7. Оддын академи Суваг - "Боловсрол" телевиз Рейтинг - 8.28 "Оддын академи" шоу нь дэлхийн 44 оронд “Эндемол Шайн” группийн албан ёсны эрхтэйгээр зохион байгуулагддаг. Тус шоу нэвтрүүлэг нь дуулах хүсэлтэй сая сая залуусын мөрөөдлийг биелүүлэх гарц болдгоороо онцлогтой. Манай улсад ч гэсэн энэ шоуг зохион байгуулж, "Wasabies" хамтлагийг гаргаад байгаа юм.
8. Намайг сонгооч Суваг - "Монгол HD" телевиз Рейтинг - 8.14 Ганц бие залуусын "мөрөөдлийн" болзоо болсон тус шоуг "Монгол HD" телевизээс эрхлэн гаргадаг. Зөвхөн өөрт нь авсан хувцас сонголтоор нь өрсөлдөгч гурван оролцогчоос нэгийг сонгож, болзоонд явна. Анх уулзаж байгаа учраас болзооныхоо дараа хэн хэн нь "тийм", "үгүй" картаар сэтгэгдлээ илэрхийлж, цаашид хос болох эсэх нь тодорхой болдог билээ.
9. Монгол Солонгост нэг удаа Суваг - "25" телевиз Рейтинг - 7.78 Өмнөд Солонгос улсын соёл, өдөр тутмын амьдралын хэв маяг, тэдний үзэл бодлын талаарх мэдээллийг Монголын үзэгчдэд бодитоор хүргэхийн зэрэгцээ монгол ёс заншил, амьдралын хэв маягийг Солонгосын үзэгчдэд хүргэдэг сонирхолтой нэвтрүүлэг юм.
10. Ардын буйдан Суваг - "Монгол HD" телевиз Рейтинг - 6.85 "Ардын буйдан" нэвтрүүлэг нь Монголын телевизүүдээр гарч байгаа нэвтрүүлэг болон киног гэр бүл, найзуудаараа хэрхэн үзэж тухайн үйл явдал дээр ямар байр суурьтай байгааг харуулдаг реалити нэвтрүүлэг юм. Мөн гэр бүлийн дулаан уур амьсгал, найз нөхдийн дотно харилцааг та бүхэн энэхүү шоу нэвтрүүлгээс харах боломжтой.
Бэлтгэсэн: Е.Алтанжимс
