"Парис 2024" олимпын наадмын байт харвааны хасагдах шатны өрсөлдөөн эхэллээ. Наадмын нээлтийн ёслолын өмнөх өдөр болсон чансаа тогтоох урьдчилсан харваанд манай тамирчин Б.Отгонболд 54-р байрт орсон.
Ингээд чансааны харвааны 11-т орсон Мексикийн харваач, 2024 оны Панамерикийн аварга Матиас Грандетэй халз өрсөлдөх болсон юм. Дөнгөж сая хоёр тамирчны тулаан өндөрлөж, Матиас Гранде 7:1 ялалт байгуулснаар дараагийн шатанд шалгарах боллоо.
