Унгарын Будапешт хотноо явагдаж буй жүдо бөхийн ДАШТ-ий сүүлчийн өдрийн барилдаанууд эхлэхэд хэдхэн цаг үлдлээ.
Өнөөдөр татамид эрэгтэйчүүдийн +100 кг, эмэгтэйчүүдийн +78 кг-ын жингийн бөхчүүд хүч сорих юм.
Эрэгтэйчүүдийн +100 кг-д зодоглох Азийн наадмын үзүүр бөх, Азийн АШТ-ий хошой хүрэлтэй Б.Гончигсүрэн эхний тойрогт гоц мөргөлөө. Тэрбээр шигшээ 32-д Египетийн тамирчин, Африкийн хошой аварга Мохамед Аборакиятай барилдана. Улмаар дараагийн шатнаа Япон болон Чилийн бөхчүүдийн хэн давсантай нь таарах юм.
Энэ хэсгийг “Парис-2024” олимпын хүрэл медальт Темур Рахимов толгойлж байна.
Өдгөө 25 настай Б.Гончигсүрэн Насанд хүрэгчдийн ДАШТ-д дөрөв дэхиэ оролцож буй нь энэ юм.
Эмэгтэйчүүдийн +78 кг-ын жинд хүч сорих Азийн АШТ-ий мөнгө, хүрэлтэй, Азийн наадмын хүрэл медальт А.Адьяасүрэн, Мастерсийн хүрэлтэй, Нидерландын Карен Стивенсонтэй оноолт таарлаа.
Энэ хэсгийг олимпын хошой хүрэлтэй, дэлхийн аварга Роман Дико манлайлахаар болсон.
Өдгөө 25 настай А.Адьяасүрэн Насанд хүрэгчдийн ДАШТ-д тав дахиа зодоглож байгаа юм.
