Саудын Арабын Супер цомын төлөөх тэмцээний хагас шигшээд оноолт таарсан “Аль Насср” болон “Аль-Иттихад” багуудын тоглолт ХонгКонг улсад явагдлаа.
Мягмар гарагийн энэ тоглолтод Садио Мане, Жоао Феликс нар гоолдож, “Аль-Насср” 2:1-ээр ялаад финалд шалгарсан.
Садио Мане 10 дахь минутад гоолдоод, 25 дахь минутад улаан хуудсаар торгуулаад талбайгаас хөөгдсөн юм. Тэрбээр энэ тэмцээний үеэр улаан хуудсаар торгуулсан “Аль-Насср” багийн гурав дахь тоглогчоор тодорсон.
Харин Жоао Феликс Араб дахь анхны гоолоо оруулсан нь энэ билээ.
Криштиано Роналду, Марсело Брозович нар гоолын дамжуулалтаар багийнхандаа тусалсан.
“Аль-Насср” уг тэмцээний аваргын төлөө “Аль-Кадсиах” болон “Аль-Ахли” багуудын аль хожсонтой нь хүч сорих юм.
“Аль-Насср” Супер цомын тэмцээнд 2019, 2020 онуудад түрүүлсэн боловч Роналдугийн эрин үед ялж чадаагүй байна.
Хэрэв тэд өнөө жил түрүүлбэл энэ нь Роналдугийн хувьд, “Аль-Насср”-ын хамтаар өргөх хоёр дахь цом нь болно.
