Монголын цахим спортын “The MongolZ” багийн бүрэлдэхүүн өөрчлөгдсөн мэдээ өчигдөр олон нийтийн сүлжээгээр нэлээд шуугиуллаа. Азбаяр “Senzu” Мөнхболд багаас гарсан. Гэхдээ том мейжор тэмцээний өмнө гарсан нь дуулиантай хэрэг байлаа. Ингээд өнөөдөр тус багаас Senzu-гийн оронд “IEM Chengdu 2025” тэмцээнд оролцох стенд-ин тамирчныг зарлав. Энэ бол Өнөдэлгэр “controlez” Баасанжаргал. 28 настай, хашир туршлагатай тамирчин. Гэхдээ энэ бол түр зуурын шийдвэр бөгөөд дараагийн тэмцээнд хэн тоглох нь тодорхой бус. Сontrolez-ийн чансаа сүүлийн үед 1.06 байгаа. 2017 онд “The MongolZ” багт тоглож байсан.
“IEM Chengdu 2025” тэмцээнд оролцох “The MongolZ” баг
Содбаяр “Techno4K” Мөнхболд
Аюуш “mzinho” Батболд
Өсөхбаяр “910” Банзрагч
Гарьдмагнай “bLitz” Бямбасүрэн
Өнөдэлгэр “controlez” Баасанжаргал
Эрдэнэдалай “maaRaa” Баянбат (дасгалжуулагч)
“IEM Chengdu 2025” тэмцээн 11 дүгээр сарын 3-9-нд Хятадын Чэндүд болно. Нийт 16 баг өрсөлдөнө. Шагналын сан нь $300 000. Манай багийн анхны өрсөлдөгч “HEROIC”. Тэд 11 дүгээр сарын 3-нд 15:00 цагаас тоглоно.
