Японд ногоон өмсгөлтэй Power Ranger-ын дүрийг бүтээж байсан жүжигчин Ясүтомо Ихара олон арван айлын хулгайн хэрэгт холбогдон баривчлагдаж, шүүхээс таван жилийн хорих ял оноожээ.
Цагдаагийн байгууллагын мэдээлснээр, Ихара Япон улсын хэд хэдэн мужид дор хаяж 43 удаагийн орон сууцны хулгайн хэрэг үйлдсэн нь тогтоогджээ. Тэрээр ихэвчлэн шөнийн цагаар, цоожгүй хаалга, цонхоор нэвтэрч, маш хурдтай, чимээ багатайгаар эд зүйлс хулгайлж байсан байна. Хэргийг илрүүлэхэд хүндрэлтэй байсан шалтгаан нь тэрээр бараг ямар ч эвдрэл гэмтэл, ул мөр үлдээлгүй явдаг байжээ.
Мөрдөн шалгах явцад цагдаагийнхан түүнийг кино, телевизийн зураг авалтын үеэр эзэмшсэн биеийн тэнцвэр, нуугдах чадвар, хурдан хөдөлгөөн, орон зайн мэдрэмж зэрэг ур чадвараа ашигласан гэж үзэж байна. Тодруулбал, олон жилийн турш орлон тоглогч хийж, тулаант төрлийн дүрд тоглохдоо сурсан бэлтгэл нь түүнд “тус болсон” гэжээ.
Мэргэжилтнүүдийн үзэж буйгаар энэхүү хэрэг нь урлаг, спорт, жүжигчдийн тусгай ур чадвар бодит амьдралд хэрхэн сөрөг байдлаар ашиглагдаж болдгийг харуулсан ховор жишээ болжээ.
Эх сурвалж: Screen Rant
