1 мин

Долоодугаар сарын 1-нээс ЕСӨН аймаг руу нисэх онгоцны зардлыг 50-70 хувиар хямдруулна

У.Чинзориг 2023.05.24 1 1

"МИАТ" ТӨХК долоодугаар сарын 1-нээс эхлэн Өлгий, Улиастай, Улаангом, Алтай, Мөрөн, Баянхонгор, Чойбалсан, Даланзадгад, Ховд гэсэн есөн аймаг руу долоо хоногтоо 1-3 удаагийн нислэг үйлдэнэ. Засгийн газраас эдгээр орон нутаг чиглэлийн онгоцны зардлыг 50-70 хувиар хямдруулахаар болсныг өнөөдөр ЗГХЭГ-ын дарга Д.Амарбаясгалан мэдээллээ. 

Ингэснээр, Баян-Өлгий аймаг руу хоёр талдаа нэг сая 650 мянган төгрөгийн билетээр нисдэг байсан бол долоодугаар сарын 1-нээс эхлэн 800 мянган төгрөгөөр нисэх боломжтой болох юм.

Мөн Ховд, Увс аймгийн чиглэлд нэг сая 600 мянган төгрөгийн зардлаар нисдэг байсныг 600-650 мянган төгрөгийн үнэтэй болгож, хямдруулах ажээ.  

У.Чинзориг 2023.05.24