Сагсан бөмбөгийн 16 хүртэлх насныхны Азийн АШТ 8-р сарын 31-нээс 9-р сарын 7-ны өдрүүдээр Улаанбаатар хотын M Bank Arena болон Буянт-Ухаа цогцолборыг дамнаж явагдана.
Энэ тэмцээнд Азийн шилдэг 16 баг хүч сорих юм.
Монголын шигшээ багийнхан БНХАУ, БНСУ, Малайзын хамтаар “С” хэсэгт хуваарилагдаад байна.
Залуу, авьяаслаг тамирчдын хувьд өөрсдийн ур чадвар, нөөц бололцоог нээн харуулах томоохон боломж нь уг тэмцээн байх учиртай.
16 хүртэлх насныхны Азийн АШТ-д Хятад болон Австралийн багууд тус бүр гурвантаа түрүүлсэн бол Өмнөд Солонгосын шигшээ нэг удаа манлайлсан юм.
Монголын баг, тамирчид уг тэмцээнд анх удаагаа оролцохоор зэхэж байна.
